Newsletter

Get our news and updates

28/3 Saryan

Yerevan, Armenia

2355 Westwood Blvd. #333

Los Angeles, CA 90064

  • facebook
  • twitter
  • instagram
  • youtube

©2017-2019 by Creative Armenia

Բրյուսելում մեկնարկել է դրամաշնորհային ծրագիր հայ արվեստագետների համար

ՀՀ Մշակույթի նախարար Լիլիթ Մակունցը «Պողոսյան» հիմնադրամի և «Creative Armenia»-ի հետ համատեղ հայտարարում են Եվրոպայի սրտում կայանալիք «East-West Residency» ծրագրի մեկնարկը

Հոկտեմբերի 18, 2018  |  հեղ.` Creative Armenia

լուսանկարը` «Պողոսյան» հիմնադրամի

Բրյուսել. «Պողոսյան» հիմնադրամը` Եվրոպայի ամենահեղինակավոր մշակութային կենտրոններից մեկը, 2019թ.-ի սկզբին կբացի իր դռները Հայաստանից ժամանած հայ արվեստագետների համար։ «East-West Residency» ծրագիրը, մեկնարկելով հոկտեմբերի 17-ին հանդիսանում է «Creative Armenia» մշակութային հիմնադրամի, ՀՀ Մշակույթի նախարարության և «Պողոսյան» հիմնադրամի համագործակցության արդյունքը։ Վերջինս 2008թ.-ից ի վեր գործարկում է արտ դեկո ճարտարապետական կառույցը` բերելով նրան մշակութային ճանաչում: Այստեղ գրեթե մեկ տասնամյակ կազմակերպվում են արվեստի ցուցահանդեսներ, համերգներ և սկսնակ արվեստագետների համար եզակի դրամաշնորհային ծրագիր:

«Մեզ համար պատիվ է այս համագործակցությունը հանդիսավոր մեկնարկը», - ասաց Պողոսյան հիմնադրամի գլխավոր տնօրեն Լումա Սալամեն։ «Տարիներ շարունակ «Villa Empain»-ն իր տանիքի տակ է հյուրընկալել առաջատար արվեստագետների Եվրոպայից։ Եվ հիմա հայ արվեստագետները նույնպես կունենան հնարավորություն` անցկացնելու մեկամսյա ժամանակահատված, ապրելով, ստեղծագործելով և համագործակցելով այստեղ` «Villa Empain»-ում»։

«Creative Armenia» մշակութային հիմնադրամի հիմնադիր տնօրեն Կարին Հովհաննիսյանը խոսեց Հայաստանի պատմության մեջ այս եզակի ժամանակաշրջանի մասին` ասելով, որ ծրագիրը հնարավորություն կտա հասցնելու Հայաստանի տաղանդավոր արվեստագետներին համաշխարհային թատերաբեմ։ Նա նաև շնորհակալություն հայտնեց ներկա գտնվող Բելգիայի պաշտոնատար անձանց` ներառյալ Վալոնի-Բրյուսել Դաշնության Մշակույթի նախարար տիկին Ալդա Գրեոլիին, Հայաստանի մշակութային ապագային աջակցելու իրենց պատրաստակամության համար։

 ՀՀ Մշակույթի նախարար Լիլիթ Մակունցը, որը նույնպես ներկա էր միջոցառմանը, ներկայացրեց որոշ նկատառումներ` կարևորելով Հայաստանի և Եվրոպական Միության միջև կապերի ամրապնդումը։ «Հայաստանի տաղանդավոր արվեստագետները, գրողներն ու երաժիշտները նման կամրջի բացմանը երկար են սպասել», - նշեց նա։ «Եվ հիմա այդ կամուրջը գործում է: Ու կոչվում է «East-West Residency»։ Սա երկարատև և ամուր համագործակցության մեկնարկ է»։

«East-West Residency» ծրագրի մասին մանրամասներ իմանալու և դիմելու համար այցելեք creativearmenia.org/eastwest կայքէջ։ Հայտերն ընդունվում են մինչև դեկտեմբերի 17-ը։