Մշակույթի խաչմերուկ. նոյեմբեր, 2018
Այս ամսվա Մշակույթի խաչմերուկում կորցրեցինք Սթեն Լիին, բայց գտանք Չարլզ Դիքենսին:
Դեկտեմբերի 3, 2018 | հեղ.` Creative Armenia
1. Իննսունհինգ տարեկանում կյանքից հեռացավ Marvel Comics-ի սուպերհերոսների ստեղծող Սթեն Լին։ Նրա ստեղծագործություններից են Սարդ-մարդը, Իքս մարդիկ, Երկաթե մարդը։ Լին պարբերաբար երևացել է նաև Marvel Comics-ի ֆիլմերում։
2. Էնդի Ուորհոլի ռետրոսպեկտիվ ցուցահանդեսը տեղի ունեցավ «Ուիթնի» թանգարանում։ Այն շեշտադրում էր արվեստագետի կանխագուշակումները 21-րդ դարի տեխնոլոգիական վերելքի մասին։
3. Միևնույն ժամանակ Դեյվիդ Հոքնիի «Երկու կերպարներով լողավազան» կտավը վաճառվել է 90.3 մլն դոլարով, Քրիսթիի կազմակերպած աճուրդում։ Սա ողջ նկարչի՝ աճուրդով երբևէ ամենաթանկ գնով վաճառված արվեստի գործն է։
4. Հնարավո՞ր է Ֆլորենցիան ավելի գեղեցկացնել։ Դրանում վստահ լինելով՝ չինացի արվեստագետ Սայ Գոու-Չիանգը զարդարել է Ֆլորենցիայի երկինքը 50.000 պայթուցիկներով՝ոգեշնչված Վերածննդի կտավներով։
5. Չարլզ Դիքենսի երիտասարդ տարիքի դիմնանկարներից մեկը, որը Գեղարվեստի թագավորական ակադեմիայից անհետացել էր 1886 թ.-ին, առեղծվածային կերպով գտնվել է Հարավային Աֆրիկայում՝ կախազարդերի տուփի մեջ: Երկար ճամփորդությունից հետո հռչակավոր վիպասանն այժմ ցուցադրվում է Pall Mall-ում։
6. Եվ վերջապես, Զատկի կղզու կառավարիչը այցելել է Բրիտանական թանգարան ու խնդրել իրենց վերադարձնել Մոաիի արձաններից մեկը։ «Մենք ընդամենը մարմին ենք։ Մեր հոգին գտնվում է բրիտանացիների ձեռքում»։