Մշակույթի խաչմերուկ. մայիս, 2018
Ութսուներկու բողոքող կանայք և երկու բացակա ռեժիսորներ՝ Կաննի կինոփառատոնին, Առաջին Հանրապետության 100-րդ տարեդարձն ու միակ և անկրկնելի Սերժ Թանգյանը՝ մայիսյան «Մշակութային խաչմերուկում»։
Մայիսի 30, 2018 | հեղ.` Creative Armenia
1. Թեհրանի միջազգային կինոփառատոնն այս տարի նորովի հանդես եկավ` հրավիրելով մեծ թվով միջազգային հյուրերի։ Խորհուրդը գուցե նրանում է, որ գրաքննության դարաշրջանն Իրանում մոտենում է ավարտի՞ն։
2. Այնուամենայնիվ, իրանցի սիրված կինոռեժիսոր Ջաֆար Փանահիին արգելվել էր մասնակցել իր նոր ֆիլմի պրեմիերային Կաննում, ինչպես վերջերս Ռուսաստանում ձերբակալված ռեժիսոր Կիրիլ Սերեբրեննիկովին, որին կարմիր գորգի վրա ներկայացրեցին իր ֆիլմի դերասանները։ Նույն ընթացքում 82 կանայք Քեյթ Բլանշեթի և Անյես Վարդայի առաջնորդությամբ ակցիա էին իրականացնում` հանուն կանանց իրավունքների։
3. Հայաստանի Ազգային պատկերասրահում բացվեց Ժան Պողոսյանի «Անշեջ կրակը» ցուցահանդեսը։ Նկարիչն օգտագործում է կրակի արվեստը ժամանակակից հանդիսատեսի համար ցնցող պատկերներ ստեղծելու համար։
4. «Թավշյա» հեղափոխությունից շաբաթներ անց Հայաստանի նոր ղեկավարները, այդ թվում ՀՀ Մշակույթի նախարար Լիլիթ Մակունցը, միացան Հանրապետության հրապարակում հավաքված տասնյակ հազարավոր մարդկանց` տոնելու Հայաստանի Առաջին Հանրապետության 100-րդ տարեդարձը։
5. Մեծանուն շեֆ-խոհարար Էնթոնի Բուրդենը ներկայացրեց իր «Անհայտ հատվածների» հայաստանյան թողարկումը, որում հայտնվում է Սերժ Թանգյանը Վոլգայով։
6. Վերջինս կրկին ուշադրության կենտրոնում էր։ Այս անգամ «Շաբաթ երեկոն` ուղիղ եթերում» հաղորդաշարում, որտեղ Թինա Ֆեյը կատարեց «System of a Down»-ի սիրված «Chop Suey» երգը։